ကမ္ဘာ့ အချမ်းသာဆုံး သူဌေး Elon Musk က ဒီလ ၁၇ ရက်နေ့မှာ တွစ်တာမှာ အင်္ဂလန် ဘောလုံးအသင်း Manchester United ကို ဝယ်မယ်လို့ ပြောတာဟာ နောက်တာပါလို့ ပြောလိုက်ပါတယ်။ သူက “ တွစ်တာမှာနောက်လိုက်တာပါ။ ကျွန်တော် ဘယ်အားကစား အသင်းကိုမှ မဝယ်ပါဘူး။ “ လို့ User ၁ ယောက်က Manchester United ကို ဝယ်မယ်ဆိုတာ အတည်လားလို့ မေးတာကို တုန့်ပြန်လိုက်ပါတယ်။
အဲဒီ ကြေညာချက် မတိုင်ခင် ၄ နာရီအကြာမှာ Musk ဟာ “ Manchester United ကို ကျွန်တော် ဝယ်တော့မှာပါ။ ကြိုဆိုပါတယ်။ “ လို့ တွစ်တာမှာ ရေးသားခဲ့တာပါ။ အခြေအနေ ကျဆင်းနေတဲ့ Manchester United ရဲ့ Fans တွေကတော့ ကလပ်ကို ဝယ်ယူဖို့ Musk ကို အရင်က တိုက်တွန်းမှုတွေ ရှိခဲ့ပါတယ်။
Musk ဟာ တွစ်တာကို ဒေါ်လာ ၄၄ ဘီလီယမ်နဲ့ ဝယ်ယူမယ်လို့ ကြေညာပြီးနောက် ၄ လအကြာမှာ အစီအစဉ်ကို ဖျက်သိမ်းခဲ့တဲ့အတွက် တွစ်တာက သူ့ကို တရားစွဲထားပါတယ်။
Musk ဟာ တွစ်တာမှာ ပုံမှန် မဟုတ်တဲ့ ပို့စ်တွေကို တင်လေ့ရှိပြီး တခါတလေမှာ နောက်နေတာလား၊ အတည်လားဆိုတာ ဝေခွဲရခက်ပါတယ်။
တွစ်တာ ဘုတ်အဖွဲ့က Musk ရဲ့ ဝယ်ယူမယ့် ကမ်းလှမ်းမှုကို လက်ခံပြီးနောက် ၂ ရက်အကြာ ဧပြီလ ၂၇ ရက်နေ့မှာ Musk က နောက်တစ်ခါ ကိုကာကိုလာကို ဝယ်ယူမယ်လို့ တွစ်တာမှာ ရေးသားခဲ့ပါသေးတယ်။
Manchester United ဟာ တွစ်တာမှာ Follower ၃၂ သန်းကျော်ရှိပြီး Musk ရဲ့ ကလပ်ကို ဝယ်ယူမယ်ဆိုတဲ့ ပို့စ်ဟာ တင်ပြီး ၄ နာရီအတွင်းမှာ Likie ၄ သိန်းရခဲ့ပါတယ်။
Ref : channelnewsasia
Crd
