(ဟန်ကျောင်းမြို့) ရှေးဟောင်းအဆောက်အဦးတွေရှိရာ တစ်နေရာမှာ ထူဆန်းသည့် ရုပ်တုစုံတွဲတစ်စုံကို တွေ့ရသည် ။ လင်နှင့်မယားလို့ ယူဆရသည့် ပကတိလူပုံအရွယ် အမျိုးသားရုပ်နှင့် အမျိုးသမီးရုပ်တုပုံဖြစ်သည်။ ရုပ်တုနှစ်ခုသည် လက်ပြန်ကြိုးတုပ်ခံထားရပြီး ဒူးထောက် ထိုင်နေသည့်ပုံဖြစ်သည် ။ ရုပ်တုနှစ်ခုကို ခိုင်ခန့်သည့်လှောင်အိမ်ထဲမှာ ထည့်ထားသည်။ အဲ့ဒါဘာလဲလို့ စကားပြန်ကို မေးကြည့် သည်။ဒီလူနှစ်ယောက်က ဘာဖြစ်လို့ ဒီလိုဖြစ်နေရတာလဲပြည်သူတွေကို အလွန်နှိပ်စက်တဲ့ ဘုရင်နဲ့မိဖုရားလေ၊ ပြည်သူတွေက မခံမရပ်နိုင်တော့လို့ ဝိုင်းဖမ်းပြီး ထောင်ချထားတာတရုတ်ရာဇဝင်မှာ ဒီလိုအဖြစ်မျိုးရှိခဲ့ဖူးတာ အမှန်ဖြစ်သည်။ ရန်ကုန်က အလှူပွဲတစ်ခုမှာ တရုတ်ရေးရာကျွမ်း ကျင်သူ ရုပ်ရှင်မင်းသားကြီး ဦးထွန်းဝေက ဆရာအီကြာကွေးကို မေးခွန်းတစ်ခုမေးသည်။ကွေးကြီး၊ မောင်ရင့်နာမည် အီကြာ ကွေးဆိုတာ ဘာအဓိပ္ပါယ်လဲသိလား မသိဘူး“ မသိရင်မှက်ထား၊ အဲ့ဒါ တရုတ်စကား၊ အီ-ဆိုတာ-ဆီ၊ ကြာဆိုတာ-ကြော်တာ၊ ကွေး-ဆိုတာ-သရဲ၊ ဆီကြော်သရဲမုန့်လို့ခေါ်တယ်။
ဦးထွန်းဝေက အီကြာကွေးမုန့် ဖြစ်ပေါ်လာပုံတရုတ်သမိုင်းကို ပြောပြသည်။တရုတ်ဘုရင်တစ်ပါးသည် ပြည်သူတွေအပေါ် အလွန်နှိပ်စက် သည်။ အခွန်အတုပ် အလွန်အကျွန် ကောက်ခံသည်။ အလုပ်ကြမ်း ခိုင်းစေသည်။ ဆန့်ကျင်သူကို ဖမ်းဆီးသတ်ဖြတ်သည်။ ပြည်သူတွေ မခံမရပ်နိုင်ဖြစ်လာပြီး ဆူပူအုံကြွကြသည်။ ဘုရင်နှင့်မိဖုရားကို လူအုပ်ကြီးဖြင့် ဝိုင်းဖမ်းကြသည်။ မိသောအခါ ဘုရင်နှင့်မိဖုရားကို ကြိုးဖြင့်ပူးချဉ်ပြီး ပွတ်ပွတ်ဆူနေသည့် ဆီပူအိုးကြီးထဲကိုပစ်ချလိုက်ကြသည်။ သရဲနှစ်ကောင်ကို ဆီနဲ့ကြော်လိုက်ပြီဟေ့လို့ ဟစ်အော်ကြွေးကြော်ကြသည်။“ အီကြာကွေးဆိုတာ ဆီကြော်သရဲမုန့်လို့ အဓိပ္ပါယ် ရသည်၊ နှစ်ချောင်းပူးလုပ်မှ အီကြာကွေးဖြစ်သည်၊ ဘုရင်နှင့်မိဖုရားကို ပူးချဉ်ပြီး ဆီနဲ့ကြော်တဲ့ပုံ မုန့်လုပ်စားတာ၊ ဟန်ကျောင်းမြို့က ထောင်ချထားသည့် အရုပ်နှစ်ရုပ်ကိုမြင်တော့ ဦးထွန်းဝေက ဆရာအီကြာကွေးကို ပြောခဲ့တာကို ပြန်ကြားယောင်မိသည်။ကိုးကား- ( သရပါမဂ္ဂဇင်း၊ အတွဲ၊၅၊ အမှတ်၊၉၊ ၂၀၁၃-ဒီဇင်ဘာလ)
မူရင်း Credit
[zawgyi]
(ဟန္ေက်ာင္းၿမိဳ႕) ေရွးေဟာင္းအေဆာက္အဦးေတြရွိရာ တစ္ေနရာမွာ ထူဆန္းသည့္ ႐ုပ္တုစုံတြဲတစ္စုံကို ေတြ႕ရသည္ ။ လင္ႏွင့္မယားလို႔ ယူဆရသည့္ ပကတိလူပုံအ႐ြယ္ အမ်ိဳးသား႐ုပ္ႏွင့္ အမ်ိဳးသမီး႐ုပ္တုပုံျဖစ္သည္။ ႐ုပ္တုႏွစ္ခုသည္ လက္ျပန္ႀကိဳးတုပ္ခံထားရၿပီး ဒူးေထာက္ ထိုင္ေနသည့္ပုံျဖစ္သည္ ။ ႐ုပ္တုႏွစ္ခုကို ခိုင္ခန႔္သည့္ေလွာင္အိမ္ထဲမွာ ထည့္ထားသည္။ အဲ့ဒါဘာလဲလို႔ စကားျပန္ကို ေမးၾကည့္ သည္။ဒီလူႏွစ္ေယာက္က ဘာျဖစ္လို႔ ဒီလိုျဖစ္ေနရတာလဲျပည္သူေတြကို အလြန္ႏွိပ္စက္တဲ့ ဘုရင္နဲ႔မိဖုရားေလ၊ ျပည္သူေတြက မခံမရပ္ႏိုင္ေတာ့လို႔ ဝိုင္းဖမ္းၿပီး ေထာင္ခ်ထားတာတ႐ုတ္ရာဇဝင္မွာ ဒီလိုအျဖစ္မ်ိဳးရွိခဲ့ဖူးတာ အမွန္ျဖစ္သည္။ ရန္ကုန္က အလႉပြဲတစ္ခုမွာ တ႐ုတ္ေရးရာကြၽမ္း က်င္သူ ႐ုပ္ရွင္မင္းသားႀကီး ဦးထြန္းေဝက ဆရာအီၾကာေကြးကို ေမးခြန္းတစ္ခုေမးသည္။ေကြးႀကီး၊ ေမာင္ရင့္နာမည္ အီၾကာ ေကြးဆိုတာ ဘာအဓိပၸါယ္လဲသိလား မသိဘူး“ မသိရင္မွက္ထား၊ အဲ့ဒါ တ႐ုတ္စကား၊ အီ-ဆိုတာ-ဆီ၊ ၾကာဆိုတာ-ေၾကာ္တာ၊ ေကြး-ဆိုတာ-သရဲ၊ ဆီေၾကာ္သရဲမုန႔္လို႔ေခၚတယ္။ဦးထြန္းေဝက အီၾကာေကြးမုန႔္ ျဖစ္ေပၚလာပုံတ႐ုတ္သမိုင္းကို ေျပာျပသည္။တ႐ုတ္ဘုရင္တစ္ပါးသည္ ျပည္သူေတြအေပၚ အလြန္ႏွိပ္စက္ သည္။ အခြန္အတုပ္ အလြန္အကြၽန္ ေကာက္ခံသည္။ အလုပ္ၾကမ္း ခိုင္းေစသည္။ ဆန႔္က်င္သူကို ဖမ္းဆီးသတ္ျဖတ္သည္။ ျပည္သူေတြ မခံမရပ္ႏိုင္ျဖစ္လာၿပီး ဆူပူအုံႂကြၾကသည္။ ဘုရင္ႏွင့္မိဖုရားကို လူအုပ္ႀကီးျဖင့္ ဝိုင္းဖမ္းၾကသည္။ မိေသာအခါ ဘုရင္ႏွင့္မိဖုရားကို ႀကိဳးျဖင့္ပူးခ်ဥ္ၿပီး ပြတ္ပြတ္ဆူေနသည့္ ဆီပူအိုးႀကီးထဲကိုပစ္ခ်လိုက္ၾကသည္။ သရဲႏွစ္ေကာင္ကို ဆီနဲ႔ေၾကာ္လိုက္ၿပီေဟ့လို႔ ဟစ္ေအာ္ေႂကြးေၾကာ္ၾကသည္။“ အီၾကာေကြးဆိုတာ ဆီေၾကာ္သရဲမုန႔္လို႔ အဓိပၸါယ္ ရသည္၊ ႏွစ္ေခ်ာင္းပူးလုပ္မွ အီၾကာေကြးျဖစ္သည္၊ ဘုရင္ႏွင့္မိဖုရားကို ပူးခ်ဥ္ၿပီး ဆီနဲ႔ေၾကာ္တဲ့ပုံ မုန႔္လုပ္စားတာ၊ ဟန္ေက်ာင္းၿမိဳ႕က ေထာင္ခ်ထားသည့္ အ႐ုပ္ႏွစ္႐ုပ္ကိုျမင္ေတာ့ ဦးထြန္းေဝက ဆရာအီၾကာေကြးကို ေျပာခဲ့တာကို ျပန္ၾကားေယာင္မိသည္။ကိုးကား- ( သရပါမဂၢဇင္း၊ အတြဲ၊၅၊ အမွတ္၊၉၊ ၂၀၁၃-ဒီဇင္ဘာလ)
