Month: April 2021

တောင်တရုတ်ပင်လယ် ရေကြောင်းပိုင်နက် အငြင်းပွားနေတဲ့ ရေပိုင်နက်ထဲမှာ သူတို့ပိုင် စီရင်ဆုံးဖြတ်ခွင့်နယ်မြေဆိုတာ ပြသတဲ့ ကြိုးစားမှု တစိတ်တပိုင်းအဖြစ် ဖိလစ်ပိုင် ကမ်းခြေစောင့်တပ်တွေ စစ်ရေးလေ့ကျင့်နေပါတယ်။ သဘာဝအရင်းအမြစ် ပေါကြွယ်ဝတဲ့ ပင်လယ်ပြင်ပိုင်နက်ကိစ္စ တရုတ်နဲ့ တင်းမာမှုတွေ တိုးလာနေတဲ့အချိန် ဖိလစ်ပိုင်သိမ်းထားတဲ့ Thitu ကျွန်းနဲ့ တရုတ်ဘက်က ထိန်းချုပ်တဲ့ Scarborough Shoal ကျွန်းတွေအနားမှာ ဖိလစ်ပိုင် ကမ်းခြေစောင့်တပ် စစ်ရေးလေ့ကျင့်တာပါ။ ပြီးခဲ့တဲ့လက Spratly ကျွန်းစုနားမှာ ရာနဲ့ချီတဲ့ တရုတ်သင်္ဘောတွေကို တွေ့ခဲ့ရပြီးတဲ့နောက် နှစ်နိုင်ငံအကြား သံတမန်ရေးအရ နောက်ဆုံး ငြင်းခုံမှုတွေ ပိုပြီး ကြီးထွားလာခဲ့တာပါ။ သင်္ဘောအများစုဟာ အငြင်းပွားနေတဲ့ ကမ်းရိုးတန်းဒေသ အနီးမှာ သွားလာနေခဲ့တာ ဖြစ်ပါတယ်။ ပင်လယ်ပြင်တခုလုံးကို သူတို့ပိုင်လို့ ပြောထားတဲ့ တရုတ်နိုင်ငံက ဒီသင်္ဘောတွေကို ပြန်ခေါ်ဖို့ ဖိလစ်ပိုင်ဘက်က တောင်းဆိုတာကို […]

အင်ဒိုနီးရှားနိုင်ငံ ဘာလီ ပင်လယ်ထဲ နစ်မြှုပ်သွားတဲ့ ရေငုပ်သင်္ဘောကို ရှာဖွေတွေ့ရှိခဲ့ရာမှာ အပိုင်းသုံးပိုင်းကွဲနေပြီး အမှုထမ်း ၅၃ ဦးလုံးလည်း သေဆုံးခဲ့ကြောင်း အင်ဒိုနီးရှားစစ်တပ်က တနင်္ဂနွေနေ့က ကြေညာခဲ့ပါတယ်။ သင်္ဘော အပျက်အစီးတွေကို စနေနေ့က သမုဒ္ဒရာအောက် ကြမ်းပြင်မှာရှာဖွေတွေ့ရှိခဲ့တာဖြစ်ပြီး ရေငုပ်သင်္ဘောကိုတော့ အသံလှိုင်းနဲ့ ရေအောက်ဝတ္ထုပစ္စည်း တည်နေရာကိုရှာဖွေတဲ့ စက်ကိရိယာအကူအညီနဲ့ ရေငုပ်နိုင်တဲ့အကွာအဝေးထက်ကျော်လွန်တဲ့ မီတာ ၈၅၀ (၂,၇၉၀ ပေ) အကွာအဝေးမှာ ရှာဖွေတွေ့ရှိခဲ့တာဖြစ်တယ်လို့ စစ်တပ်ရဲ့ ကြေညာချက်မှာဖေါ်ပြထားပါတယ်။ ကယ်ဆယ်ရေးသမားတွေ ရှာဖွေတွေ့ရှိခဲ့တဲ့ အရာဝတ္ထုအသစ်တွေထဲမှာ- သက်တမ်း ၄၄ နှစ်ကြာမြင့်နေပြီဖြစ်တဲ့ KRI Nanggala ရေငုပ်သင်္ဘော ၄၀၂မှာ ပါသွားတယ်လို့ယူဆရတဲ့ အသက်ကယ်အင်္ကျီတခုလည်း ပါဝင်ပါတယ်။အင်ဒိုနီးရှား ရေငုပ်သင်္ဘောဟာ တော်ပီဒိုပစ်ခတ်လေ့ကျင့်ရေး ပြုလုပ်ဖို့ ပြင်ဆင်နေစဉ် ဗုဒ္ဓဟူးနေ့မှာ အဆက်အသွယ်ပြတ်တောက်ခဲ့တာပါ။ KRI Nanggala ရေငုပ်သင်္ဘောကို […]

ပျောက်ဆုံးရေငုပ်သင်္ဘောသားတွေကို အသက်ရှင်လျှက်ရှာမတွေ့နိုင်တော့ချိန်မှာ ရေငုပ်သင်္ဘောကိုရှာဖွေပြီး ရေပေါ်ပြန်လည်ဆယ်တင်ရေးအတွက်ဆက်လုပ်နေပါတယ်။အခုအထိ ပြန်လည်ဆယ်ယူရရှိထားတဲ့ပစ္စည်းတွေကတော့ တိုပီဒိုစနစ်ကအစိတ်အပိုင်းတစ်ခု၊ ပယ်ရီစကုပ်သုံးချောဆီဘူးတစ်ဘူး၊ မူစလင်တွေဘုရားရှိခိုးရာမှာသုံးတဲ့ ကောဇောတစ်ခုတို့ဖြစ်ပါတယ်။ ရေတပ်ဦးစီးချုပ် Yudo Margono ရဲ့အပြောအရ ရေအောက် မီတာ ၈၀၀ အနက် (ပေ ၂၆၀၀) လောက်ကိုနစ်မြှုပ်သွားလို့ ရေငုပ်သင်္ဘောကွဲထွက်သွားတာဖြစ်နိုင်တယ်လို့ဆိုပါတယ်။အဲ့ဒီရေအနက်မှာသာဆိုရင် KRI 402 ရေငုပ်သင်္ဘောကို ရှာဖွေတွေ့ရှိဖို့ရော ရေပေါ်ပြန်ဆယ်တင်ဖို့ရော ခက်ခဲသွားမှာဖြစ်ပါတယ်။ credit – Richard Myo Thant

ပျောက်ဆုံး အင်ဒိုရေငုပ်သင်္ဘော အစိတ်အပိုင်းတချို့ တွေ့ရှိ အင်ဒိုနီးရှားနိုင်ငံက ရေယာဉ်အမှုထမ်း ၅၃ ယောက် လိုက်ပါသွားတဲ့ ပျောက်ဆုံးရေငုပ်သင်္ဘောကလို့ ယူဆရတဲ့ အပိုင်းအစတချို့ ရှာတွေ့ရှိတဲ့အကြောင်း အင်ဒိုနီးရှားက ကြေညာချက် ထုတ်ပြန်ပါတယ်။ အဲဒီအထဲမှာ ရေငုပ်သင်္ဘောအတွင်းက အပိုင်းအစတချို့လည်း ပါဝင်တယ်လို့ အေအက်ဖ်ပီ သတင်းဌာနက ရေးပါတယ်။ ရေယာဉ်ထဲက အမှုထမ်း ၅၃ ဦးအတွက် အောက်ဆီဂျင်ဟာ အခု စနေအစောပိုင်းမှာ ပြတ်လပ်သွားမယ်လို့ ယူဆရတဲ့အကြောင်းလည်း တာဝန်ရှိသူတွေက ပြောပါတယ်။ “ရေငုပ်သင်္ဘော နောက်ဆုံး ရေငုပ်သွားတဲ့ နေရာကနေ အပျက်အစီးတွေနဲ့ ပစ္စည်းတချို့ကို ပြီးခဲ့တဲ့ ရက်အနည်းငယ်တုန်းက ကျနော်တို့ ရှာတွေ့ခဲ့ပါတယ်။” လို့ ရေတပ်အကြီးအကဲ Yudo Margono က သတင်းထောက်တွေကို ပြောပါတယ်။ ဒီရေငုပ်သင်္ဘောဟာ ဗုဒ္ဓဟူးနေ့တုန်းက ဘာလီကျွန်း ကမ်းခြေကနေ […]