ဘယ်နေရာရောက်‌ရောက် နိုင်ငံရဲ့ နောက်ခံက အရေးပါ‌ပုံနဲ့ စိတ်မကောင်းစရာ မှတ်ချက်တခု

ဘယ်နေရာရောက်‌ရောက် နိုင်ငံရဲ့ နောက်ခံက အရေးပါ‌ပုံနဲ့ စိတ်မကောင်းစရာ မှတ်ချက်တခု

စောက်ငမွဲနိုင်ငံက ဘာတွေမျှော်လင့်နေတာလဲ.. (ကြိုပြောပါ့မယ် ပွဲရှာတာမဟုတ်ဘူး) စိတ်ထဲမကောင်းလွန်းလို့ ရေးလိုက်ရုံပါ။

မနေ့က Miss Grand International 2022 ရဲ့ Final Show ပြီးသွားခဲ့တယ်။ Miss ပွဲတွေဘာတွေကို တကူးတက လိုက်ကြည့်နေတာမဟုတ်ပေမယ့် မီဒီယာတွေကတဆင့် ဒီနှစ်တော့ ဘယ်သူက ကိုယ့်နိုင်ငံကိုယ်စားပြု ဝင်ပြိုင်တယ်ဆို‌တာလောက်ကို ကြည့်မိတယ်။ ဒီနှစ် မြန်မာကိုယ်စားပြု သွားပြိုင်တာက ထိုင်း-မြန်မာ(ကရင်) ကပြားမလေး, Ei Ei Aung Tun.

အခုအခြေအနေမှာ မြန်မာကိုယ်စားပြုအလှမယ်က Crown ရသွားလဲ သူ့အတွက် အသိအမှတ်ပြုပြီး၊ စိတ်ကျေနပ်စရာတစ်ခု ဖြစ်ရုံလောက်ပဲ။ မြန်မာလူမျိုးတွေအတွက် ဒီအခြေအနေမှာ ဒါထက်ခံစားချက် မပိုနိုင်‌သေးဘူး။ ဒါပေမယ့် မြန်မာကိုယ်စားပြု အလှမယ်အနေနဲ့ သူ ကြိုးစားတယ်၊ သွက်လက်တယ်၊ ပြောရရင် တန်းတစ်ခုဝင်တယ်ကွာ။ ထိုင်း၊ အင်ဒို၊ ကမ္ဘောဒီးယား၊ ဗီယက်နမ်၊ ဖိလစ်ပင်း.. ဒီနိုင်ငံတွေနဲ့ သူယှဉ်လို့ရတယ်။

အားပေးနေကြတဲ့ နိုင်ငံတကာက သုံးသပ်သူတွေကအစ မြန်မာအလှမယ်ကို Top 20 ထဲ မှန်းချက်ပေးထားကြတာ‌ တွေ့ရတယ်။ လူတိုင်းကတော့ ကိုယ့်နိုင်ငံကိုယ်စားပြု အလှမယ်ကို ဆုတစ်ခုခု ရစေချင်ကြတာချည်းပဲ။ တကယ့်တကယ် Winner ရသွားတာက Brazil အလှမယ်။ သူက တကယ်ထိုက်တန်လို့ရတယ်ဆိုတာ အားလုံးနီးပါးလက်ခံကြတယ်။

လက်မခံနိုင်ကြတာက 1st Runner Up ရသွားတဲ့ ထိုင်းအလှမယ်နဲ့ 2nd Runner Up ရသွားတဲ့ အင်ဒို အလှမယ်။ အထူးသဖြင့် ဗီယက်နမ်တွေနဲ့ ထိုင်းတွေ Miss Grand International ပေ့ခ်ျမှာ အခုထိ ပွဲဖြစ်နေကြတုန်း။ ပွဲဖြစ်နေတဲ့ပို့စ်အောက်မှာ comment ဝင်ဖတ်ကြည့်တော့မှ ပါးစပ်အဟောင်းသားဖြစ်ခဲ့ရတာ။

1st Runner Up ကြေညာထားတဲ့ ပို့စ်အောက်မှာဆိုလဲ ဗီယက်နမ်တွေက ထိုင်းတွေကို ရှယ်ဖဲ့နေကြတာ။ Mr.Nawat ရဲ့မျက်နှာကြောင့် ရသွားတယ်ပေါ့‌‌လေ။ 2nd Runner Up ကြေညာထားတဲ့ ပိုစ်အောက်မှာဆိုလဲ ပွဲစည်နေရော။ အင်ဒို အလှမယ်ရတာက လက်ခံကျင်းပတဲ့ အိမ်ရှင်နိုင်ငံဖြစ်နေလို့ပေါ့ကွာ။

တချို့ မန့်တွေဆို ဖတ်ပြီး ရယ်မိတာတွေတောင်ရှိပါတယ်။ “ပူတင်က မနက်ဖြန် ထိုင်းနိုင်ငံကို အနုမြူဗုံးကြဲပါစေ” ဆိုပြီး ဗီယက်တွေက ထိုင်းကိုမေတ္တာပို့တာတွေလဲရှိတယ်။ အဲဒီမှာ မြန်မာကတစ်ယောက်ကလဲ ကိုယ့်နိုင်ငံ အလှမယ်က ဘာတစ်ခုမှ မရတော့ စကားနာထိုးတဲ့ photo comment တစ်ခု မန့်ထားတာတွေ့လိုက်တယ်။ သူ့မန့်အောက်မှာလဲ ဝိုင်းပြီး ဆွမ်းကြီးလောင်းကြပြန်တာပေါ့။

အဲဒီအထိ ဘာမှမဖြစ်သေးဘူး။ သူသူကိုယ်ကိုယ် ပို့စ်အောက်မှာ ကိုယ်ထင်ရာကိုယ်ရေးပြီးချေပကြမှာပဲ။ ဒါပေမယ့် ဘာကို ရုတ်တရက်တွေ့လိုက်ရလဲဆိုတော့ အခုပုံမှာပြထားတဲ့ comment ပဲ။ သူပြောထားတာကို ဘာသာပြန်ရရင်ကွာ.. “မင်းတို့လို စောက်ငမွဲနိုင်ငံကလဲ Miss Grand Winner လိုချင်တာပဲလား” ဆိုတဲ့ အဓိပ္ပါယ်ပေါ့။

ခင်ဗျားတို့တော့ မသိဘူး။ ကျ‌နော်တော့ ထောင်းခနဲ့ ဒေါသလဲ ဖြစ်မိသလို၊ အဲလိုပြောတဲ့လူကို စိတ်ပါတိုသွားတာ။ ပြန်စဉ်းစားကြည့်တော့လဲ စိတ်မကောင်းဖြစ်ရရုံပါပဲ။ ဘယ်လို စိတ်မကောင်းဖြစ်သွားလဲဆိုတော့ ရပ်ကွက်ထဲမှာ ငယ်ငယ်ကတည်းက ပေါင်းလာတဲ့ကောင်တွေက ပိုက်ဆံမရှိတော့ စောက်ဖက်မလုပ်၊ လူရာမသွင်းတဲ့ ခံစားချက်မျိုး။ ဘာမှတော့ မဆိုင်နိုင်ပေမယ့် သူပြောလဲ ပြောချင်စရာပဲလေ။

နိုင်ငံတိုင်းက ကိုယ့်နိုင်ငံ အဘက်ဘက်က တိုးတက်ဖို့အပြိုင်အဆိုင် လုပ်နေကြချိန်မှာ ကျုပ်တို့ဆီက တစ်နေ့တစ်နေ့ အချင်းချင်း ဖြစ်ကောင်းကြတုန်း။ ဆရာကြီးတွေပေါသလောက် နိုင်ငံက ဇောက်ထိုးခုန်ဆင်းနေတာကွာ။ အရင်ကတည်းက လူရာမဝင်သေးတဲ့နိုင်ငံက အခုဆို အဘက်ဘက်မှာ အမည်ပျက်စာရင်းဝင်နေပြန်ပြီ။ ဒီလိုငမွဲနိုင်ငံလေးကို ဘယ်နိုင်ငံကမှ ထူးထွေပြီး အဖက်လုပ် ပေါင်းမနေဘူးဆိုတာ ကျနော်တို့ မြင်တွေ့ရပေါင်းများလှပြီ။

နိုင်ငံက မမွဲဘူး၊ နိုင်ငံကို မွဲအောင်လုပ်နေတဲ့သူတွေကြောင့် ပြည်သူတွေ မချမ်းသာတာ။ ပြည်သူက မချမ်းသာတော့ ပြည်သူကို ကိုယ်စားပြုတဲ့ နိုင်ငံက ငမွဲနိုင်ငံပေါ့။

ဒီမန့်ဟာ “မင်းတို့လို စောက်ငမွဲနိုင်ငံလေးက ဘာတွေမှ မျှော်လင့်မနေနဲ့” ဆိုတဲ့ message ကျနော်တို့ကို ပေးလိုက်တာပါပဲ။ ရပ်ကွက်ထဲမှာမှ မဟုတ်ပါဘူး။ တခြားနိုင်ငံရောက်လို့ မင်းဟာမင်း ဘာ Branded တွေ ဝတ်ထားထား၊ မြန်မာဆိုတာနဲ့ မင်းက ငမွဲကောင်ပဲ။ ငမွဲတစ်ယောက်အနေနဲ့ ဘာပြောပြော အရာဝင်မှာမဟုတ်သလို အမြဲအနှိမ်ခံနေရဦးမှာပဲ။

နိုင်ငံက လူရာဝင်ချင်ရင်တော့ ချမ်းသာအောင်လုပ်ရမှာပဲ။ ချမ်းသာဖို့ကလဲ အရင်ဆုံးလိုအပ်ချက်က တိုင်းပြည်အမြန်ငြိမ်းချမ်းဖို့။ နောက်တစ်ခုက တိုင်းပြည်ဘဏ္ဍာမှန်သမျှ ကိုယ့်အိတ်ထဲပဲ ထည့်နေတဲ့သူတွေ ပလ္လင်ပေါ်ထိုင်မနေဖို့။ ဒီတော့ ငါတို့မှာ တခြားရွေးချယ်စရာမှ မရှိတော့တာ။

ဘာတဲ့ ခင်ဗျားတို့ကျနော်တို့ ခဏခဏ ငှားသုံးနေတဲ့ ဘီလ်ဂိတ်ရဲ့စကား.. “ဆင်းဆင်းရဲရဲမွေးလာတာ မင်းအပြစ်မဟုတ်ဘူး၊ ဆင်းဆင်းရဲရဲ သေသွားရင်တော့ မင်းအပြစ်ဖြစ်သွားပြီ” တဲ့။ အဲလိုပဲ ပြောရမယ်ဆို ဆင်းဆင်းရဲရဲတိုင်းပြည်မှာ မွေးလာတာ ကျုပ်တို့အပြစ်မဟုတ်ဘူး၊ ကျုပ်တို့ သေသွားတဲ့အထိ တိုင်းပြည်ဆင်းရဲနေရင်တော့ ကျုပ်တို့တစ်မျိုးဆက်လုံး စောက်သုံးမကျလို့ပဲပေါ့။

(Zaw Ye Linn)

The post ဘယ်နေရာရောက်‌ရောက် နိုင်ငံရဲ့ နောက်ခံက အရေးပါ‌ပုံနဲ့ စိတ်မကောင်းစရာ မှတ်ချက်တခု appeared first on White Sone.

Crd