ဆံတော်ရှင် ကျိုက်ထီးရိုးစေတီ အခမဲ့ဝန်ဆောင်မှုများဖြင့် အထူးပရိုမိုးရှင်း ဆင်းနေ

ဆံတော်ရှင် ကျိုက်ထီးရိုးစေတီ အခမဲ့ဝန်ဆောင်မှုများဖြင့် တန်ဆောင်တိုင် အထူးပရိုမိုးရှင်း ဆင်းနေ..

ကျိုက်ထီးရိုး စေတီရင်ပြင်တော်သို့ ၂ ရက်တိုင်တိုင် အခမဲ့ပို့ဆောင်ပေးမည့်အပြင် စတုဒိသာများဖြင့်လည်း ဧည့်ခံကျွေးမွေးမည်..

ဆံတော်ရှင် ကျိုက်ထီးရိုးစေတီတော်မြတ်ကြီးသို့ လာရောက်ဖူးမြော်ကြမည့် ဘုရားဖူး များအား နိုဝင်ဘာ ၃ ရက်နှင့် ၄ ရက်တွင် စေတီတော်တောင်ခြေမှ ရင်ပြင်တော်ပေါ်သို့ အခမဲ့ ပို့ဆောင်ပေးမည့်အပြင် စတုဒိသာများဖြင့်လည်း တည်ခင်းဧည့်ခံကျွေးမွေးသွားမည်ဖြစ်ကြောင်း ဘဏ္ဍာတော်ထိန်း ဂေါပကအဖွဲ့ထံမှ သိရသည်။

အဆိုပါ ၂ ရက်တွင် ဘုရားဖူးပြည်သူများအား တန်ဆောင်တိုင်အထူးအစီအစဉ်အဖြစ် ဆံတော်ရှင် ကျိုက်ထီးရိုးစေတီတော် ဂေါပကအဖွဲ့၊ ရိုးရိုးလေးဟိုတယ်၊ ကျိုက်ထိုဟိုတယ်နှင့် အခြားတည်းခိုဆောင်များ၊ တောင်တက်ကေဘယ်ပြေးဆွဲသည့်အဖွဲ့၊ တောင်တက်မော်တော်ယာဉ်အသင်း၊ ရင်ပြင်တော်စျေးကော်မတီများညှိနှိုင်း၍..

နိုဝင်ဘာ ၃၊ ၄ နှစ်ရက်တာကာလအတွင်း ရင်ပြင်တော်ပေါ်ရှိ မည်သည့်ဟိုတယ်တွင်မဆို အခမဲ့တည်းခိုခွင့်၊ အခမဲ့တောင်တက်ကား စီးနှင်းခွင့်၊ အခမဲ့ကေဘယ်ကားစီးခွင့်၊ အခမဲ့သွားလာခွင့်များ ဆောင်ရွက်ထားရှိပြီး ကင်ပွန်းစခန်းတောင်ခြေမှစ၍ ဘုရားဖူးအများပြည်သူအား ဒေသထွက်မြန်မာမုန့်များ စတုဒီသာကျွေးမွေးဧည့်ခံပြီး ရင်ပြင်တော်ပေါ်တွင်လည်း စည်စည်ကားကားသိုက်သိုက်မြိုက်မြိုက်ဖြင့် စတုဒီသာကျွေးမွေးဧည့်ခံသွားမည် ဖြစ်ကြောင်း သတင်းရရှိသည်။

အဆိုပါအစီအစဉ်ကို စေတီတော် ဘဏ္ဍာတော်ထိန်း ဂေါပကအဖွဲ့၊ တောင်တက် မော်တော်ယာဉ်အသင်း၊ ဟိုတယ်နှင့်တည်းခိုခန်း လုပ်ငန်းရှင်များ၊ ဈေးသူဈေးသားများ စုပေါင်း၍ ဆောင်ရွက်ခြင်း ဖြစ်သည်။